Кудымкарись велöтiссез порйöтiсö ассиныс профессиональнöй вежалун. Торжественнöй мероприятие чулöтчис КДЦын.
Бытшöм да гаж настроеннёöн Кудымкарскöй школаэзiсь велöтiссез да педагогическöй уджлöн ветераннэз локтiсö быдгодся торжество вылö.
Талун Кудымкарлöн квать школаын да кыкъямыс челядь садын уджалöны нёльсёся унажык велöтiсь да воспитатель.
Торжественнöй вежалун вылын велöтiссезлöн ыджыт армиялöн представителлез вöлiсö наградитöмöсь местнöй да краевöй уровеня почётнöй грамотаэзöн. Образованнё одзын заслугаэз понда велöтiсьлiсь почетнöй званнё получитiсö Зоя Сторожева, Мария Бразгина, Светлана Овчинникова да мöдiккез.
Мöдiк год ни Кудымкарын велöтiссезлöн лун кежö чулöтöны Интернет-голосованнё. Медодз этап мунö школаэзын, сыбöрын отир бöрйöны меднароднöй велöтiсьöс кар пасьта.
Интернет-голосаваннё сьöртi победительöн мöдiк пырся ни лоис карись кыкьямысöт номера школаись роч кыв да литература сьöртi велöтiсь Зоя Полуянова.
